თვე 3
მას უკვე ნაყოფი ჰქვია - ორსულობის 3 თვე
საშვილოსნოში „განთავსებულ“ პატარას ქვია ნაყოფი. ის 4 სმ-დან 10 სმ-მდე იზრდება, წონაში 50 გრ-ს აღწევს.
ორსულობის მე-3 თვის 1 კვირის განმავლობაში
ნაყოფი იწყებს სხეულის მასის „დაგროვებას“, ყველა მისი ორგანო მოცულობაში და წონაში იზრდება.
ნაყოფი იწყებს გარემო ზემოქმედებებზე საპასუხო რეაქციების განვითარებას: ხმამაღალ ბგერებზე და დედის მკვეთრ მოძრაობებზე ნაყოფი რეაგირებს საშვილოსნოს ღრუში სწრაფი გადაადგილებით.
ორსულობის მე-3 თვის 2 კვირის განმავლობაში
ნაყოფის თავი მისი მთლიანი სიგრძის უკვე ერთი მესამედია, მის სახეზე შეიმჩნევა მიმიკური მოძრაობები.
ნაყოფს უვითარდება თმოვანი საფარველი - ღინღლით იფარება სხეულის დიდი ნაწილი, ჩნდება წამწამები და წარბები.
ნაყოფის ღვიძლი იწყებს ნაღველის გამომუშავებას, ასევე საკუთარი სისხლის უჯრედების - ერითროციტების წარმოქმნას.
ორსულობის მე-3 თვის 3 კვირის განმავლობაში
ნაყოფის ორგანიზმში იწყება საკუთარი ჰორმონების, მათ შორის სასქესო ჰორმონების, გამომუშავება.
ბიჭ-ნაყოფებში უკვე კარგადაა გამოკვეთილი გარეთა სასქესო ორგანოები და ექოსკოპიური კვლევით შესაძლებელია სქესის განსაზღვრა.
ორსულობის მე-3 თვის 4 კვირის განმავლობაში
ნაყოფის კუნთოვანი და კანის საფარველის განვითარების ხარჯზე ის უკვე „ბავშვს“ ემსგავსება, მისი ფორმები მრგვალდება და ივსება.
ნაყოფი ყლაპავს სანაყოფე წყლებს და გამოყოფს პირველად შარდს.
